سؤروشموشدوز  "ايران آذربايجانيني ايراندان آييرماق ايسته يير سيز ؟"

منيم سؤزلريم اؤز يئرينده سوسيال-كؤلتؤرل سؤزلردير وبؤتؤن چاليشيغيمدا اؤز كؤلتؤريميزي حفظ ائتمه گه وكيمليگيميزه اَل تاپماقادير ومن بو يولدا هئچ بير سياسي هدفلري گؤزله ميرم  يعني

1)ايسته ميرم بو سؤزلري آرايا چكمغيله اؤز شهريمه  اؤستانيما يا حتي بؤتؤن آذربايجانا اقتصادي امتيازلار حكومتدن  "باج" آلام بلكه ايسته ييرم كؤلتؤر بؤلؤمؤنده يوخاريا گئده ك تا اقتصادي جهتدنده اؤسته گئده گ اول  اينجي يه تاي يوخ

2)ايسته ميرم بو سؤزلري آرايا چكمغيله حزبلرين توجه لاريني اؤزؤمه سايي گئتيرم واوُنلار دان دؤولتده يا پارلماندا بير يئر تاپماق اؤچؤن ديلن مه غه دؤشه م

پس بونلار اؤنلار ديلار كي منيم چاليشيغيم اوُ سايا ديير . آمما دئمه لييم بو اؤچ هدفين بعضيلره يارانماغيغلط سياستلره قاييدير نييه كي اوُ زامان كي نظامين مسئوللاري آذربايجان كؤلتؤرؤنؤ گئنيشلنديرنلره "پان تركيسم"آد گؤيؤر  سواقعيتده بير ميللته ظؤلم ائدير و اوُنلارا ايسه استبداد ائدير بو ادعا ني ايثبات ائتمه ك چتين ديير نييه كي گؤرؤرؤك  رژيم آذربايجان تاريخي مؤناسبتلرين ياييلماغينين –اوُ جؤمله بابكين ايل دوغوم گؤنؤ  ساتار خان دؤنؤم گؤنوو...)قاباغين آلير و سراسري راديو و تلويزيونلار دا بؤتؤن پروگرملر فارسجا دير بو آرادا اذربايجان ديلينده بير سراسري كانال يوخدور ( دئمه لييم  كانال ياراتماق رژيمه چتين دييل  نييه كي 2كانال عربي جه 3 كانال  افغانستان و تاجيكستان  ديلينده-كي بير ميليارد دولار هزينه سيدبي – 1 كانال انگليسيجه-press tv- 3 كانال داها اؤلكه لره-sahar tv-)وبونلار دان اهميتلي آذرباجان ديلي و تاريخي مدرسه لرده بيليم يوردلاردا درس وئر مك قاداغاندير

بونلاري يازماقدا بونو ايسته ييرم دييم كي سوسيال وكؤلتؤر  يولو  بو وضعيله رژيم طرفيندن چتينليكله اوُلور پس باشقاايشيميز بودور كي سياست بؤلؤمؤنده قاتيشاق و اؤيله بير ايش گؤره ك كي بير سياسي مكانيزمه  چاتاق دئدييم ايسته مه لره يتشسين  هر شئ دن بو ايسته گيميزي رژيمه يتير مه گه ايستفاده ائده ك   بو مكانيزم ائله يه بيلر مجلس سئچيمينده دييله يا بير "سازمان" ياراتماقيلا آرايا گله و...و

• xoylubey
• Şərhlər(0)
• Baxış sayı:60
• Dekabr 5, 2007 20:37
• tac 
• Bölməsiz